Onddo, lore eta fruitu basatien bilketa 89/2008 Foru Dekretuan jasota dago, urriaren 14ko Diputatuen Kontseiluarenean. Honen bidez, onddo, landare, lore eta basa-fruituen aprobetxamendua arautzen da. 

Onddo bilketa egiteko jarraibideak

• Aizkorri-Aratz Parke Naturalaren arabako partean onddoak eta perretxikoak biltzea librea da, pertsona eta egun bakoitzeko 2 kilogramoraino, Asparrena-Apona Parke Mikologikoan izan ezik.
• Arabako Foru Aldundiak biltzeko egunak mugatu ahalko ditu baliabidea babesteko.
• Debekatuta dago zorua iraultzea eta perretxikoak erauztea.
• Biltzeko aizto edo labana bat baino ez da erabiliko.
• Aireztatzea eta esporak kanpora erortzea ahalbidetzen duten saskietan bilduko dira. Debekatuta dago biltzeko plastikozko poltsak, motxilak edo antzekoak erabiltzea.
• Ezingo dira onddoak bildu lehenengo garapen faseetan.
• Umelduta, apurtuta edo hondatuta ikusten diren aleak tokian bertan utziko dira.
• Xede zientifikoetarako, identifikatzeko, bildumarako edo beste xede batzuetarako hiru ale baino ez dira bilduko.
• Identifikazio taxonomikorako baino ezingo da perretxikoa hondatu.
• Debekatuta dago ilunabarretik egunsentira arte biltzea.

Fruitu eta landare bilketa egiteko jarraibideak:

• Basa fruituen bilketa (adibidez, gaztainak) librea da pertsona eta egun bakoitzeko 2 kilogramoraino.
• Medikuntza, dekorazio edo sukaldaritzarako belarki eta loreetarako mugak pertsona eta egun bakoitzeko eskutada bat da, eskuan biltzen diren belarki eta loreetarako, eta pertsona eta eguneko 200 gramo berde ontzi motaren batean biltzen diren landare edo loreetarako.

Boilurrak, eztia eta zurezko landareak biltzeko jarraibideak

• Boilurren, eztiaren eta zurezko landareen aprobetxamendua, hala nola txilar, ezpel eta zuhaitzena, ez da librea eta berariazko baimena beharko da.

Debekuak eta zehapenak

• Legeak babestutako edo mehatxatu gisa katalogatutako espezieak biltzea debekatzen du.
• Araudi hori ez betetzeak 30-250 euroko isunak ekar ditzake, baita era desegokian aprobetxatutakoaren konfiskazioa eta eragindako kalte-galeren ordaina ere.

Aizkorri-Aratzeko parke naturalak 3 parketxe ditu, 2 Gipuzkoan eta 1 Araban. Araban, Araia herrian dago parketxea edo Mitxarro Museoaren Etxea. Sarrera nagusia A-1 errepidea da, 385 irteera hartuta A-3010 errepiderantz. Parketxea herriaren iparraldean dago, Intutxi kalearen amaieran. Eraikina, zaharberritutako zentral hidroelektriko zaharra da eta erraz identifika daiteke; inguruan aparkaleku txikia dago.

Interpretazio erakusketa

Parketxean, interpretazio erakusketa bat du ikusgai jendeak. Beheko solairuak parke naturalari eskaintzen dio erakusketa, irudi mosaikoen bidez; ibilaldi bat egiten da naturan eta kulturan barrena. Natura gunearen maketa bat du, interpretazio geografikoa errazten duena. Goiko aldea muxar grisari eskainia dago, zeina baita inguruko tradizioetara oso errotuta dagoen ugaztun txiki bat. Eraikinaren ezkerraldean, zentral hidroelektriko zaharra dago, gaur egun zaharberritua eta funtzionatzen, eta eskola kanpainaren interpretazio edukiaren zati gisa erabiltzen da.

Hainbat bideo daude bisitariaren eskura, eta eskola kanpainan edo bisita gidatuan ikus daitezke normalean. Goiko solairuan, muxar grisari buruzko ikus-entzunezko bat ikus daiteke, publikoak hala eskatzen duenean.

Esparruko arauak

• Natura guneko langileen jarraibideak bete behar dira uneoro, eta horrelako tokietara bisita egiteko gutxieneko kortesia arauak bete behar dira.
• Parketxearen barruan ezin da arineketan egin, oihu egin, jan eta edan.
• Ezin da ezer lurrera bota, ez barruan ez kanpoan. Horretarako, zaborrontziak eta edukiontziak daude.
• Debekatuta dago erretzea esparru guztian.
• Erakusketetako elementuak eta altzariak kontuz erabili behar dira, eta ezin daitezke lekuz aldatu.
• 8 urtetik beherakoak heldu batekin joan behar dira.
• Errespetatu gela bakoitzeko gehienezko lekuak.

Piknika eta barbakoak

PR A 3011

Lezeko kobazuloaren ezkerraldetik doan bidexka, izen bera duen mendiaren oinean dagoen Olanoko leporaino igotzen dena. Toki horretan, kolore horiko eta zuriko marka horizontalei jarraituz, Arbara mendiko antenaraino jarraituko dugu, eta bertatik “iturri zuriraino” jaitsiko gara. Iturriari horrela deritzo urak ertzetan uzten duen kolore bereziagatik, sulfatoetan aberatsa delako eta usain berezia duelako. Toki horretan, Artzanegi mendiaren leporaino igo, eta bailarako ikuspegi ederraz gozatuko dugu. Lepotik, Lezera berriro eramango gaituen jaitsierako bideari ekingo diogu.

SL A 3005

Eginotik edo Ilarduiatik abiatuta, belardiak eta soroak zeharkatzen dituen malda leuneko bidezidor batetik ibiliko gara. Bidean, Entziako mendilerroaren ikuspegi ederrez gozatuko dugu, batetik, eta Eginoko haitzez, bestetik. Eginon, oso ezagunak dira monolito ikusgarriak, eskalada zaleen gozagarri.

Aizkorri-Arazko parke naturalaren Arabako partean bi aisiagune daude:

- Lezeko aisiagunea, Lezeko haitzuloaren ondoan dagoena, Arabako Ilarduia herritik 1,2 km-ra. Egurrezko mahai eta eserlekuak, barbakoak eta zabor bilketa ditu. 35 beribilentzako eta 8 autokarabanarentzako lekua du.

- Araiako aisiagunea, parketxearen ondoan dagoena, Aiara herrian (Araba). Harrizko mahai eta eserlekuak ditu, baita barbakoa zona bat ere, Ola-zar pilotalekuaren ondoan. Barbakoak udalarenak dira eta haiek erabiltzeko, eskatu egin behar da udalari deituz (945304006)..

Erabilera arauak

• Erabiltzaileek hondakinak banandu behar dituzte horretarako ipinita dauden edukiontziak egokiro erabiliz.
• Ezin daiteke surik egin horretarako egokitutako lekuetan besterik. Uda aldian, sua egitea debekatuta dago eta barbakoak prezintaturik egongo dira.
• Barbakoa guztiak erabilera erkidekoak dira eta bisitari guztiek dute haiek erabiltzeko eskubidea, heltzen diren hurrenkeraren arabera.
• Ezin daiteke egurrik edo berezko elementurik erabili sua egiteko. Erabiltzaile bakoitzak bere egur ikatza erabili beharko du.
• Aisiagune eta aterpeetan kokatutako mahai eta eserlekuek bizitza baliagarri mugatua dute. Hortaz, erabiltzaileek lagundu egin behar dute, haiek kontuz erabiliz.
• Mahaiak ezin daitezke erreserbatu norbere gauzak bertan ipiniz. Mahaiak eta eserlekuak hutsik daudela iritziko da haiek okupatzen dituen inor ez badago.
• Higiene zerbitzuak era egokian erabili behar dira, osasun eta garbitasun baldintzak mantentzeko. Instalazio horien erabilera desegokia, baita sortzen diren kalteak ere, haiek eragin dituen/dituzten pertsonaren/pertsonen erantzukizuna izango dira.
• Debekaturik dago musika aparatuak erabiltzea
• Ura aurreztea aisiaguneen erabiltzaileen eginbeharra da. Erabiltzaile guztiak saiatu behar dira ur gehiegi ez gastatzeko.
• Txakurrak loturik egon behar dira aisia esparru guztian.
• Ibilgailu pribatuak, horretarako prestatutako lekuetan utzi behar dira.
• Debekatuta dago akanpatzea. Autokarabanek ezin dezakete ireki leiho zabukaririk, ez eta toldorik zabaldu, sorgailurik erabili edo kanpoan mahai eta aulkirik ipini ere.
• Debekatuta dago prestaturik ez dauden lekuetan aparkatzea. Lekuen edukiera errespetatu behar da.